:: استفسار يا اخواني الرجاء الدخول ::

كهرب بولندي وزنه 130 جرام وريحته حلوه وهدي مواصفاته

عدد الخرز 33
طول الشاهد 5.5 سم
طول الخرزه 2 سم
الخامه كهرمان بولندي

كم يسوى يعني بالحد الادني والاقصى ؟؟

واذا احد عنده خبرة هل هذا المسباح يناسب الاستخدام اليومي او انه كبير بشكل ملحوظ

تحياتي وارجوا ابداء الراي

اخوكم المترجم

بسم الله الرحمن الرحيم

اللهم صلِّ على محمد وآل محمد

اخوي من ناحية السعر

السعر متغير بالسوق وعلى حسب نوع الخامة فسعر المعجن غير المنوصف والمنوصف غير الابيض

بس اذا كان كهرب وبولندي وخامة عادية

يسوى بحد ادنى 200 دينار ومو اقل لانه حجمه كبير وصعب تحصل مثله....

من ناحية الاستعمال

الصراحة هذا يختلف من انسان لي انسان فبعض الناس تحب الصغير والناعم وبعض الناس تحب الكبير

لكن الكبير يا خوي يطلع صوت وبعض الناس تعتبره (يستفز) فما انصحك تروح فيه اجتماعات واعتمد على النواعم...

ارجو اني جاوبتك على اسالتك واي شيء ثاني انا حاضر وبالشوفة ومن عيوني يالغالي.....

الحجم حيل كبير

والسعر من دينار الي دينارين للجرام بالنسبه للاحجام الكبيره وعلي حسب الخامه

المشاركة الأصلية كتبت بواسطة nano-engineer سجل لمشاهدة الروابط

بسم الله الرحمن الرحيم

اللهم صلِّ على محمد وآل محمد

اخوي من ناحية السعر

السعر متغير بالسوق وعلى حسب نوع الخامة فسعر المعجن غير المنوصف والمنوصف غير الابيض

بس اذا كان كهرب وبولندي وخامة عادية

يسوى بحد ادنى 200 دينار ومو اقل لانه حجمه كبير وصعب تحصل مثله....

من ناحية الاستعمال

الصراحة هذا يختلف من انسان لي انسان فبعض الناس تحب الصغير والناعم وبعض الناس تحب الكبير

لكن الكبير يا خوي يطلع صوت وبعض الناس تعتبره (يستفز) فما انصحك تروح فيه اجتماعات واعتمد على النواعم...

ارجو اني جاوبتك على اسالتك واي شيء ثاني انا حاضر وبالشوفة ومن عيوني يالغالي.....

تسلم عيونك الغالي ويزاك الف خير

بغيت اشتريه بالفين درهم اماراتي بس راعيه طمع ويبى زود

شكلي بنسى السالفة وباخذلي شي اصغير واخف على شورك فديت خشمك

تحياتي لك

المشاركة الأصلية كتبت بواسطة abu hamad سجل لمشاهدة الروابط

الحجم حيل كبير

والسعر من دينار الي دينارين للجرام بالنسبه للاحجام الكبيره وعلي حسب الخامه

يعني ماتنصح فيه اخوي ؟؟

لانه بالصور يبين عادي وذوق وحلو وخاطري فيه

بس من كلامكم خوفي مخباي مايروم يشله هههه

يعني مايدش فجيب الكندورة (الدشداشة) :)

يعطيك الف عافية اخوي ويزالك الف خير

ياهلا ومرحبا فيك اخوي

وبخصوص استفسارك بعد اذن الشباب اذا كان السعر الي ماعطيك اياه بحدود ال الفين لهل وزن واذا كانت الخامه حتى لو عاديه بس اهم شي خراطه طيبه ومرتب فيسوا ووايد زين السعر لانه لو بتحسبها بيطلع لك الجرام 13 درهم يعني بحدود الدينار كويتي

واما بخصوص الوزن الناس اذواق في ناس تحب الاوزان الكبيره وناس تحب النواعم وعني شخصيا المسباح الي يعجبني بحدود 40 لي 80 جرام بالكثير لانه بعدين اذا كبر يكون حجمه باليد وايد كبير ومسكته مب حلوه

والراي راجع لك يالغالي

تحياتي لك ولاهل الامارات

السلام عليكم ...
بالنسبة للاسعار فهذي اسعار الكويـت اخوي ..
وعن تجربة شخصية .. الكهرب اغلى في باقي دول الخليـج عن الكويـت ..
واذا عن الحجم .. فانا اشوف الوزن من وزن العمالقة .. مثل ما تفضلوا الاخوان بالنصايح ..
موفق يالغالـي ..

يعطيكم العافية جميعا



اشكركم على التداخل المفيد

تحياتي لكم ولاهل المنتدى الجميل هذا